Phupu 2009
Ka morago ga dikgwedi tše 18 ke nako ya gore re leboge!
Thopa difoka tše kgolo mo go phadišano ya Sisonke ya GEMS
Lenaneo la Botswetši la GEMS - Go dira boimana gore bo be bonolo kudu
Mohola wa go Lebelela SMS (SMS Benefit Lookup)- Mehola ya gago e letše menwaneng ya gago ya matsogong
Matšatši a go lekola boitekanelo a GEMS - Go go tlišetša thwii bophelo bjo bokaone
Web Smart ya GEMS: Boitekanelo mogaleng - Mošupatsela wa gago go go iša bophelong bjo bokaone
Dikomiti tša sekimo di kgonthišiša gore o ba le khutšo monaganong
Ditemošo re romele dintlha tša gago tša ID
mpshafatšo ya konteraka ya mošomo: Kgonthišiša gore diforomo ka moka tšeo di swanetšego go tšwa di a phethwa!
Go šalela morago ka ditefelo tša dikgwedi tše tharo: Lefelo la kotsi ya mehola
Letša nakana ge o bona bo boradia
Bagwera ba GEMS - bjale e kaonafaditšwe!
Molaetša go tšwa go Mošomedimogolwane
Re mo gare ga ngwaga wa 2009 gomme marega a itshwareleditše ka maatla le le lengwe la boimana le nakong ya ka morago ga ge ba fetša go belega masea godimo ga rena. Ge matšatši a eba a makopana le go tonya kudu, re lebeletše a bona.
gore re tla go tlišetša borutho le boiketlo ka phatlalatšo ya bobedi ya Facets ya
Re tsebagaditše matšatši a tekolo ya boitekanelo a GEMS, ao a go tlišetšago ditirelo tša tekolo ya maphelo lefelong la gago la mošomo. Ditirelo tše dingwe
Tebelelego ye mpsha ya Facets e amogetšwe ka borutho le mafolofolo ke tše mpsha tšeo di tsebagaditšwego phatlalatšong ye ke Mehola ya go Lebelela maloko gomme re tshepa gore o tla hwetša phatlalatšo ye go ba yeo e tanyago
SMS, yeo re hlohleletšago maloko gore a e diriše. Seo o swanetšego go se kgahlego,ya go kgahliša le go ba mohola.
dira go bona gore ke mehola efe yeo o nago le maswanedi a yona pele ga ge
Dikanegelo tša nnete tša bophelo o dira kleimi ke go romela SMS go Sekimo sa gago sa go fa ditirelo tša maemo a Godimo kudu, gomme re tla boela go wena mo nakong ya metsotswana e se
Ge motho a ela hloko gore mešongwana ya GEMS e tsepeletše fela go thabišeng mekae ka tshedimošo ka moka yeo o e hlokago!
le go aba maphelo a mabotse go maloko a yona a go feta dikete tše 350 000,
Ye nngwe le ye nngwe ya ditirelo tše mpsha tše e akareditšwe ka botlalo go a makatša gore ga se gantši re abelana ka dikanegelo tša nnete tša bophelo kgatišong ye ya ditaba - ka gona kgonthišiša gore o bala tšohle ka ga yona.
gantši tša go ba le mafelelo a mabotse - tša maloko a rena. Ye nngwe ya
Peakanyong ya molaetša wo ke lekile, bjalo ka ge ke dira ka mehla go laetša dikanegelo tše bjalo, ya Mzimasi Ngqelu le gore o ile a gomišwa bjang ntlhaneng ya lehu, e ile ya fihlišwa diofising tša rena mo nakong ye e sa tšwago go feta. Kamaloko a rena gore GEMS e tšwela pele ntle le go boela morago, go fana ka moka re tloga re kgwathwa maikutlo kudu ke seabe seo GEMS e bilego le sona bokgoni bja maemo a godimo. Boleloko bo tšwela pele go gola gomme maloko a rena a tšewa le go swarwa bjalo ka batho bao ba swanetšwego ke ditirelo tše bophelong bja Mzimasi. Ga ke tlo senya kanegelo ye ka go anega tšohle mo, kaonekaone tša tiragatšo.
eupša ge o ka phuthulla letlakala leo le latelago o ka ipalela kanegelo ya gagwe
Ke tshepa gore o tla thabela kgatišo ye ya Facets,gomme go fihlela ka botlalo ya go ba le tlhohleletšo.
mo nakong
Phatlalatšong ye gape re bula phadišano ya rena ya maloko, Sisonke, yeo e yeo e tlago - dula o le borutho gomme o phetše gabotse.
hlohleleditšwego ke maitemogelo a Mzimasi. Re go hlohleletša gore o tsenele phadišano ka lebaka la gore re rata go kwa gore GEMS e kgwathile bjang bophelo bja gago.
Ditirelo tše mpsha - GEMS e kaonafala le go feta ka 2009
Le ge re sa le mo gare ga ngwaga wa 2009, re šetše re tsebišitše ditirelo tše
Eugene, Moofisiri e moholo mmalwa tše mpsha tša maloko. Mo phatlalatšong ye, o tlo bala kudu ka ga
Lenaneo la Boimana la go ikgetha, leo le tsebagaditšwego ka la 1 Mei 2009
gomme le abela maloko a baimana thekgo, thuto le dikeletšo legatong le lengwe
Ka morago ga dikgwedi tše 18 ke nako ya gore re leboge
Bophelo bja Mr. Mzimasi Ngqelu bo fetogile kudu go tlogela letšatšing le bohlokwa kudu leo a nyakilego go felelwa ke bophelo bja gagwe kotsing ya go tšhoša kudu. Eupša Ngqelu, Motlatša Molaodi: Dikgokagano, Kgoro ya Dikgwebo tša Setšhaba , yoo elego moleloko wa GEMS, o be a sa gopole letšatši leo gabotse go fihlela mo nakong yeo e sa tšwago go feta ge a amogela sekoloto sa gagwe sa mafelelo sa tša kalafo posong.
Ka bjako ka lemoga ka letšhogo gore ke be nka se kgone go lefela sepetlele R180 000 go tšwa potleng ya ka," Ngqelu o ile a hlaloša. "GEMS e lefile sepetlele tšhelete ye ntši gomme ya kgonthišiša gore ke humana kalafo ye kaone ka moo go kgonagalago. Gomme ya boloka bophelo bja ka." Ngqelu a realo, lentšu la gagwe le kgaoga ka lebaka la go tlala maikutlo.
Ka morago ga go amogela sekoloto sa mafelelo o ile a kwa a na le maikutlo a go tsenelela a gore a leboge GEMS go thušo yeo e mo filego yona. "Lebaka la gore ga ke na dikgobalo tša lebaka le letelele go tšwa kotsing ke segopotšo sa letšatši le lengwe le le lengwe sa ka moo GEMS e nthušitšego ka gona - tše ka moka mola ke bile moleloko wa GEMS ngwaga o tee feela.."
Letšatši la kotsi, 8 Oktobere 2007, legodimo e be ele le lesehla ka lebaka la maru ka ge go be go etla pula ya ledimo. Ka morago ga mošomo o ile a tsena ka gare ga Nissan Micra ya gagwe gomme a otlela go tloga Hatfield, Pretoria go ya motseng wa gagwe go la Centurion. O be a sa tšwa go feta khoneng ya mebila ya Hofmeyer le Botha ge mmotoro o feta roboto ye khubedu ka lebelo. O ile a gopola maatla ao ka ona mmotoro o ilego wa thula ka lehlakoreng la monamedi. Ka morago ga fao, go ile gwaba leswiswi fela go yena. Kgopolo ye nngwe ya mafelelo yeo e bego e ratha bjalo ka legadima kgopolong ya gagwe yeo o ka rego ga e sa šoma gabotse ke gore o ile a gopola go bea setikara sa GEMS lefasetereng la go širaphefo. "Ke be ke sa tsebe gore setikara seo se tla nthuša ka tsela ye ka nako yeo ke tlogago ke hloka thušo ka yona."
Go naganwa gore mofeti ka tsela yoo a bonego tiragalo o ile a leletša Netcare 911. Hannes Bosman, mothuši wa tša kalafo wa maemo a godimo wa thekgo ya bophelo wa Netcare 911 go tšwa Netcare Unitas Hospital, o ile a kitimela lefelong la tiragalo. Bosman o sa gopola tiragalo. "Pula e ile ya thoma go na mola re le gare re elwa le go ntšha Ngqelu go tshipi ya go potagana yeo e bego e le mmotoro wa gagwe. Ka lebaka la gore re bona setikara, re ile ra tseba gore re ka mo iša sepetleleng sa kgauswi se se kaone gomme go ka se be le go ya tlase le godimo bjalo ka ge go direga ka nako ye nngwe balwetšing bao ba se nago thušo ya tša kalafo." Bosman o ile a tlaleletša.
Bosman le dingaka ba be ba sa nagane gore Ngqelu o tla phela. Dingaka di ile tša botša ba lapa la gagwe gore go na le kgonagalo ya gore a se tsoge. Le ge a ka tsoga, go na le kgonagalo ya gore a be le seo se bitšwago amnesia, elego go lahlegelwa ke monagano, goba a ka golofala. Eupša bohle ba ile ba se be le tshepho go moya wa go lwela go phela woo Ngqelu a bego a na le wona. Ka morago ga dibeke tše pedi a le go khoma (a idibetše) a le ka yuniting ya tlhokomelo ye kgolo (ICU) ya Netcare Unitas Hospital, Ngqelu o ile a tsoga - gomme mabjoko a gagwe a be a šoma gabotse.
O ile a fetišetšwa senthareng ya tsošološoleswa ya bao ba tšwilego dikgobalo go la Kensington, Johannesburg, moo a hweditšego fisiotherapi le go lekolwa monagano (tekolo ya saekholotši). Ka Jeneware 2009 o be a itekanetše gore a ka boela mošomong; selo seo dingaka di bego di gopola gore se ka se kgonege le gatee. Bophelo bja gagwe bo fetogile gomme bo kaone kudu, o realo.
Bjale o iketlile ka kadimo ye mpsha ya bophelo gomme o leka go hlohleletša batho ba ba ntši ka moo go kgonegago gore ba be maloko a GEMS. "Ke a leboga gape, GEMS," a fetša ka go realo. "Ga se wa dira fela phapang bophelong bja ka, eupša o thušitše go bo boloka."
Thopa difoka tše kgolo mo go phadišano ya Sisonke ya GEMS
Re tloga re thabile kudu go tsebagatša phadišano ye ya go tliša phapano. Yeo e diretšwego wena fela. Ge e le gore o moleloko wa GEMS o na le maswanedi a go e tsenela ntle le go dira selo. Ge o ka dira bjalo, o tla fiwa monyetla wa go ba maemong a go thopa sefoka seo se tsebegago. O tla abagana kanegelo ya gago le maloko a mangwe a GEMS, bašomimmogo le wena le - go feta bohle - le rena.
Naa phadišano e ka ga eng? Kanegelo ya Mzimasi Ngqelu e be e le tlhohleletšo ye kgolo go rena ka moka mo GEMS mo elego gore re tšere sephetho sa go hlohleletša maloko a rena ka bontši go abagana le rena dikanegelo tša bona tša go ikgetha. E ka ba go na le se sengwe seo se diregilego moo GEMS e bilego le thušo ye kgolo gomme o bona e le gore batho ba bangwe ba swanetše go tseba ka ga yona?
E ka ba GEMS e go kgahlile ka ditirelo tša yona, go tšea magato ka bonako, lentšu le borutho mogaleng goba letsogo la thušo yeo e bego e se ya letelwa; motho a thuša wena le baratiwa ba gago go feta ka moo go letetšwego?
E ka ba go ba moleloko wa GEMS go boloka bophelo bja gago, goba bja yo mongwe wa maloko a lapa la gago? Goba e ka ba bophelo bja gago le maphelo a gago a kaonafetše kudu ge e sale o le o thoma go ba moleloko wa GEMS?
Ka gona, re rata go kwa ka ga maitemogelo ao a mabotse ao o bilego le ona bjalo ka moleloko wa GEMS. Ge o ka abagana le rena kanegelo ya gago, go swana le ka moo Mzimasi Ngqelu a dirilego ka gona, go na le kgonagalo ya gore o ka thopa sefoka! Ga se gore o swanetše go ba mongwadi goba moanegi wa dikanegelo wa maemo a godimo; o hloka feela go ba le kanegelo ya go kwagala yeo o ka e anegago.
Naa nka tsenela bjang phadišano? Go bonolo! Re romele fela fekse, emeili goba lengwalo ka poso moo o re botšago ka ga kanegelo ya gago ye botse. O ka dira bjalo o diriša le lengwe le le lengwe la maleme a semmušo a ka mo nageng - re tla di bala ka moka ga tšona! Gopola go ngwala leina la gago, dintlha tša kgokagano le nomoro ya gago ya boleloko.
Naa nka thopa eng? Ge ele gore se ke taba ye botse, kgonthišiša gre o tsenela phadišano ya GEMS Sisonke Competition. Re letetše go kwa go tšwa go wena! Phadišano ya GEMS Sisonke Competition e thoma ka la
Sefoka sa
: Go intšha mafelelong a beke ga batho ba
Sefoka sa 2: Go intšha letšatši le tee ga batho ba babedi go akaretšwa sefofane, mmotoro, marobalo le dijo babedi go ya go ye tee ya dispa tša maemo a godimo profenseng yeo o ikgethetšego yona.
Lenaneo la Botswetši la GEMS
Go dira boimana gore bo be bonolo kudu
Re ikwa re thabile go bega gore baamogedi ba ditirelo (bajalefa) bjale ba ka kgona go fihlelela Lenaneo la Botswetši le leswa la GEMS. Lenaneo le le tsentšwe tirišong ka la 1 Mei 2009 gomme le abela baimana bao e lego baamogedi ba ditirelo (bajalefa) thekgo, thuto le dikeletšo magatong ka moka a boimana bja bona le mo nakong ya ka morago ga go belega masea a bona.
Naa lenaneo le le šoma bjang?
Lenaneo le le etilwe pele ke balaodi ba diteko, bao e lego baoki ba go ba le maitemogelo ba go ba le dikhwalifikheišene tša go belegiša. Ba tla go thuša ka tshepedišo ya go ingwadiša gomme o ka ikgokaganya le bona legatong lefe goba lefe la botswetši go hwetša dikeletšo le tshedimošo.
Mehola ya go tsenela lenaneo:
O tla amogela puku ya matswalo le boimana ya GEMS, yeo e fanago ka tshedimošo ye bohlokwa go bomme bao ba ithwelego.
Bomme ba hwetša pakana ya mpho yeo ba ka kgonago go e šomiša go tšwa go GEMS! Se se tla romelwa maloko ao a lego kotareng ya boraro ya boimana bja bona.
Baamogedi ba ditirelo (bajalefa) ba amogela polane ya tlhokomelo ya motho yo mongwe le yo mongwe yeo e akaretšago dintlha ka ga ditirelo tša setswetši tšeo GEMS e di dumeletšego.
O na le phihlelelo go tshedimošo ya tša maphelo go go thuša go tšea diphetho mabapi le maphelo le matswalo gammogo le ngaka ya gago goba babelegiši.
Dikeletšo le thekgo ya mogaleng di gona ge e le gore o gahlana le mathata dibekeng tše mmalwa tša mathomo tša ge o le motswadi.
Ela hloko hle: Lenaneo le ke mahala go maloko gomme mehola ya tlwaelo ya botswetši le yona e gona. Lenaneo le abela maloko mehola ye mentši eupša ga e a emela legato dikeletšo le tlhokomelo ya go kwagala ya kalafo yeo maloko a e hwetšago go tšwa go dingaka tša bona.
Ke swanetše go dira eng go ingwadišetša lenaneo le?
O swanetše go ingwadiša ka bjako ge ngaka ya gago e fetša go tiišetša gore o ithwele. Go ingwadiša goba go hwetša tshedimošo ka botlalo, o kgopelwa gore o ikgokaganye le GEMS go 0860 00 4367 goba wa romela emeili go enquiries@gems.gov.za.
Mehola ya gago e letše menwaneng ya gago ya matsogong
Ke ga kae mo o bego o ikhwetša o swanetšwe ke go lekola mehola ya sekimo sa gago sa tša kalafo o potlakile? Re a tseba gore se gantši se potlakile gomme re tloga re beile dikgopolo tša rena go hwetšeng tharollo.
Go lekola mehola ya gago bjale go ka dirwa ka potlako le gona ga bonolo o diriša SMS. Romela SMS go GEMS o latela tsela yeo e beilwego (lebelela ka mo tlase) gomme mo metsotswaneng e se mekae o tla amogela phetolo ka SMS e tiišetša mehola yeo o ka e hwetšago. Hle ela hloko gore dikhoutu tše hopana tša maloko a Sapphire le Beryl ga di swane le tša maloko a dikgetho tša Ruby, Emerald goba Onyx. A ke maitekelo a mangwe a boitlhamelo a GEMS ao a go tlišetšago tlhokomelo ya maphelo moo o e fihlelelago ntle le bothata!
Naa e šoma bjang?
Romela tshedimošo ye e latelago ka SMS go 33489 (SMS ye nngwe le ye nngwe e tlo lefelwa R1.50):
Kgato ya 1: Tlanya Mohola.
Kgato ya 2: Tlanya nomoro ya gago ya GEMS ya boleloko .
Kgato ya 3: kgetha mohola wo o nyakago go o lekola ditafoleng tše ka mo tlase (Ela hloko: o ka lekola fela sehlopha se tee sa mehola ka SMS ye tee). Kgato ya 4: Tlanya khoutu ye kopana go tšwa go tšeo di filwego ka mo tlase.
Kgato ya 5: Tlanya khoutu ya gago ya bao bal ego ka tlase ga tlhokomelo ya gago (o ba sapotago) (o ka hwetša se ka morago ga karata ya gago ya boleloko ka tlase ga "Leina", mohlala, 00, 01 bj.bj.).ge o le molelokomogolwane, tlanya "00".
Kgato ya 6: Kgotla konope ya go romela molaetša sellathekeng sa gago.
Kgato ya 7:Ema metsotswana ye mmalwa gore phetolo go tšwa go GEMS e fihle.
Ge o le moleloko wa Sapphire goba Beryl khoutu ye tlhalošo ya Mohola kopana ya SMS
Limiti ka Botlalo ya ngwaga ka moka
Acute dihlare tše kotsi le tša go rekwa ntle le lengwalo la ngaka
YE BOHLOKWA: Kgonthišiša gore o ngwala fegelwana ka morago ga se sengwe le se sengwe seo o se ngwadilego go SMS ya gao, e sego fao kgopelo ya gago e ka se atlege.
Ambulance thušo ya tšhoganetšo ya tša kalafo
Allied Ditirelo tša Tirišanommogo ya tša maphelo
Blood Ditirelo tša go goga madi
PMB Bonnyane bja mehola yeo e filwego
Dental Tša go amana le meno tša motheo le tša botsebi
GP Bongaka bja malwetši ka kakaretšo ka ntle ga sepetlele
Mohola, khoutu ye tlhalošo ya Mohola kopana ya SMS
Mehola ya letšatši le letšatši
Dihlare tše kotsi
Dihlare tša nako le nako(dihlare tša khroniki)
Ditirelo tša Tirišanommogo ya tša maphelo
Mohlala wa SMS: Moleloko yo
Tša go amana le meno tša motheo
Tša go amana le meno tša go ikgetha elego yena a lefelago sekimo a
Mehola ya tša maahlo nyaka go tseba gore o na le bokae
Go robatšwa sepetlele go tša tlhokomelo ya maahlo.
Bonnyane bja mehola yeo e filwego
Mohola, letšatši, 00
Mohlala wa SMS:
Moleloko a nyaka go tseba gore o na le bokae go ditshenaygelo tša letšatši le letšatši tša kalafo.
Radiolotši ya motheo
Setsebi sa tša kalafo
Ge molaetša wa gago wa SMS o se o atlege, o tlo amogela phetolo go tšwa go GEMS e hlaloša gore ke ka lebaka la eng e se ya tšwelela. Ke moka o ka kgona go lokiša phošo yeo gomme wa romela SMS ye mpsha go hwetša tshedimošo yeo o e hlokago. Ge o na le dipotšišo dife goba dife, o kgopelwa go ikgokaganya le senthara ya megala go 0860 00 4367.
Matšatši a go lekola boitekanelo a GEMS
Go go tlišetša thwii bophelo bjo bokaone
GEMS e tsebagaditše ditirelo tša go lekola boitekanelo ka dikgorong, di thomile go ba tirišong go tlogela ka la 1 Mei 2009. Maloko a tlo holega go tšwa go monyetla wo wa go lekolwa mafelong a bona a mošomo ntle le go ema ema, ba lekolwa ka seprofešenale dikotsi tša maphelo tšeo ba nago le tšona goba tšeo go nago le kgonagalo ya gore ba ka ba le tšona. Maikemišetšo a rena ke go kgontšha maloko a rena go lemoga dikotsi tša maphelo ka pela gore go keka ga malwetši go thibelwe goba go fokotšwe.
Bašomi ba mmušo bao ga bjale e sego maloko a GEMS le bona ba tla kgona go diriša ditirelo tše tša moswana noši.
E ka ba go direga eng ka letšatši la go lekola boitekanelo?
Ka morago ga go amogela taletšo go tšwa go kgoro ya gago, diprofešenale tša tlhokomelo ya maphelo tša GEMS di tla rulaganya lefelo la diteko kgorong ya gago. Bašomi ka moka lefelong ba tla kgona go tsenela tekolo ye ya boitekanelo ka boithaopo letšatši ka moka.
Diprofešenale tša maphelo di tla ba gona go ahlaahla ka bobona histori ya gago ya maphelo le go diragatša diteko tša go lekola maphelo a gago. Dipoelo tša diteko le histori di tla ahlaahlwa le wena o nnoši gomme wa fiwa dikeletšo tša gore o swanetše go tšea magato afe go tšwela pele.
Ka letšatši la tekolo ya boitekanelo la GEMS, bašomi ba ka se swanelwe ke go itirela dithulaganyetšo ka bobona, ka ge diprofešenale tša tlhokomelo ya maphelo di tla be di ba emetše lefelong leo le rulaganšwego. Ba swanetšwe fela ke go ba gona ditekong! Melaetša ya hlogo le molala le yona e tla abelwa bašomi ka moka letšatšing leo bjalo ka setseka sa tlaleletšo go tšwa go sekimo sa gago sa tša kalafo sa bokgoni bja maemo a godimo.
Bašomi ka moka bao ba tšeago karolo ditekong tše tša boitekanelo ba tla amogela tshedimošo ka ga dikotsi tša maphelo a bona le magato ao a swanetšego go tšewa go thibela goba go fokotša mathata a maphelo.
Ke diteko dife tša boitekanelo tšeo di tlogo dirwa?
Bašomi ba tla swanelwa ke go araba lenaneopotšišo le bonolo la histori ya tša kalafo, leo le tlogo fa diprofešenale tša tlhokomelo ya maphelo tsebo yeo e itšego mabapi le profaele ya dikotsi tša bona tša maphelo pele ga ge ba ka dirwa diteko. Diteko tša boithaopo tše di latelago di tla dirwa nakong ya tekolo:
Kelelo ya madi.
Swikiri mading le kholesterole (go nyakega go hlabja ka nalete monwaneng o tee)
Boima le botelele, le go lekalekanya boima bja mmele le botelele.
Magomo a letheka.
Khanseling le tshedimošo yeo e fiwago letšatšing leo
Ge ele gore lenaneopotšišo goba teko e laetša gore motho o kotsing efe goba efe ya mathata a maphelo moprofešenale wa tlhokomelo ya maphelo o tla fana ka khanseling le dikeletšo mabapi le magato ao a swanetšego go tšewa go fokotša goba go thibela kotsi.
Dipukwana tša tshedimošo le tšona di tla abja go fa tshedimošo ka ga dihlogo tše bjalo ka go kgoga motšoko, go ikwetliša le go laola boima mmeleng.
Sephiri
Tshedimošo ka moka le dipoelo tša diteko ke sephiri gomme di ka se fiwe kgoro efe goba efe ya mmušo goba bašomi ba tšona. Ke tšhomišano magareng ga motho le diprofešenale tša tlhokomelo ya maphelo.
Ge moleloko wa GEMS a dumela ka go ngwala (ka go saena karolo ya maleba go lenaneopotšišo la tekolo) gore dipoelo tša bona di fiwe dingaka le baoki ba GEMS ' (bjalo ka sekimo sa tša kalafo), ke moka ka morago ga fao re tla ikgokaganya le bona go thuša ka mehola ya tlhokomelo ya maphelo le ditshepedišo tša dikotsi tša maphelo a bona.
O ka dira bjang kgopelo ya letšatši la tekolo ya boitekanelo?
Letšatši la GEMS la tekolo ya boitekanelo le ka rulaganywa ka go latela ditshepedišo tšeo di lego gona tša go dira dikgopelo tša ditlhagišo. Dikgopelo di ka dirwa ka emeili, goba o ka go ikgokaganya le yo mongwe wa baemedi ba rena ba thekišo.
Kgopelo e latela magomo a rena a tlwaelo a diteko tša boitekanelo, e tla tiišetšwa ke GEMS mo diiring tše 24 gomme o ka letela go ba le letšatši la go tlala ka boithabišo.
Boitekanelo mogaleng
Mošupatsela wa gago go go iša bophelong bjo bokaone
Mo karolong ya bobedi ya serise ya rena ya WEB SMART re go botša go le gontši ka ga karolo ya Boitekanelo bjaka (My Wellness) yeo e sa tšwago go tsebagatšwa weposaeteng ya GEMS, yeo e go abelago tshedimošo ya maphelo le dikeletšo tšeo o di hlokago. O ka kgona go fihlelela diathekele tša go tlala ka tshedimošo mabapi le boitekanelo le bokgobapuku bjo bogolo bja tša kalafo ya dika tša malwetši, maemo, ditshepedišo le dihlare. Hwetša sehlogo seo o ikgethetšego sona ka go diriša tshepetšo ya rena ye bonolo ya go hwetša tshedimošo. Senthara ya Thušo ya Pele ya tša kalafo e fana ka dikeletšo tša gore o ka tšea bjang magato a bonolo ge tšhoganetšo ya tša kalafo e tšwelela. O ka ithuta gape le go lemoga ka pela dika tša bolwetši bja pelo le gore o ka dira bjang thušo ya pele ya tša kalafo.
Latela fela ditaetšo tše bonolo tše go fihlelela keletšo ya gago ya boitekanelo:
Letlakaleng la legae la weposaete, ka tlase ga lepokisana la ditsebišo, o tlo bona konope ya "My Wellness" (yeo e nago le seswantšho sa di tshipi tše pedi tša go dirišwa ke bao ba ikwetlišago ba go kuka ditshipi).
Dihlogo tša boitekanelo
Bokgobapuku bjo bogolo bja tša kalafo
Senthara ya Thušo ya Pele ya tša kalafo
Naa o be o tseba?
Go tlaleletša Boto ya Babolokedi ba Sekimo (BOT) le sehlopha sa bolaodi, go na le dikomiti tše tlhano tša Boto tšeo di hlokometšego mošomo wo o dirwago mafelong a go fapafapana. Di dira mešomo ya tšona di beetše pele bohlokwa bja dikgahlego tša gago bjalo ka motheo. O ka itshepa ka go tseba gore sekimo sa gago sa tša kalafo se ka matsogong ao a nago le bokgoni.
Dikomiti tšeo ke tše:
Komiti Mešomo
Komiti ya bolekodi bja E thuša BOT go tšweletša mešomo ya yona ya go amana le dipholisi tša boikarabelo dipuku tša sekimo, ditshepetšo tša taolo tša ka gare, le pego ya ditšhelete, le ditiro tša taolo ya kotsi.
Komiti ya tiragatšo Go thuša BOT go kgonthišiša tiragatšo ya katlego ya Sekimo, bjalo ka kgoboketšo ya ditšhelete tša tefelo ya sekimo, tefelo ya dikleimi le taolo ya direkhoto tša maloko.
Komiti ye gape e thuša BOT ka Kwalakwatšo ya yona le dikgokagano.
Komiti ya Ex Gratia E a lekola, ya tšea dipheto le go bega ka ga tumelelo ya tefelo ya ex gratia, elego tefelo ya dikleimi tša maloko moo go se nago mehola ya tlwaelo. Go dirišwa mokgwatshepetšo wo mothata ge komiti e kopana kgwedi le kgwedi le go ela hloko dikgopelo tša ditefelo tša ex gratia.
Komiti ya Pušo, Dikotsi le E kgonthišiša gore pušo ya go kwagala ya kgwebo e a latelwa mererong ya Sekimo,
Batšeakarolo ka go netefatša gore Sekimo ga se tshele molao ofe goba ofe wo o amago tiragatšo ya sona. E swanetše go kgonthišiša gape gore tšeo di lego kotsi go kgwebo ya
Sekimo di bewa nyanyeng le go laolwa ka maleba le gore dikgahlego tša batšeakarolo ka moka di šireletšwa ka tshwanelo.
Komiti ya Dithulano
E ela hloko le go ahlola dithulano dife goba dife tšeo Mošomedimogolwane a ka di romelago go yona gore e di ahlole ka boyona.
Ditemošo
Re romele dintlha tša ID ya gago
Go bohlokwa gore maloko a fe Sekimo dintlha tša di ID tša bona. Re nyaka tshedimošo ye go kgonthišiša gore re lefela dikleimi ka nepagalo le gore direkhoto tša maloko a rena di dula di feleletše le gona di na le tshedimošo ya maleba nako le nako. Re kgopela gore o re romele dikhopi tša ditifikeiti tša matswalo goba tša diID tša bao o ba sapotago (ba lego ka tlase ga tlhokomelo ya gago) ka go di romela go Premium Management, Private Bag X782, Cape Town 8000; goba ka go di romela ka fekse go 0861 00 4367; goba ka go di romela ka emeili go enquiries@gems.gov.za.
Mpshafatšo ya kontraka ya mošomo: Kgonthišiša gore diforomo ka moka di tladitšwe!
Ge o šoma mošomo wa lebakana, kontraka yeo e beetšwego nako yeo e itšego goba kontraka yeo nako ya yona e ka katološwago ka go ditirelo tša setšhaba, go bohlokwa gore diforomo ka moka di tlašwe ge kontraka ya gago e mpshafatšwa le gore e tsenywe tshepetšong ya khomphutha go bao ba lefelwago megolo.
Ge seo se sa dirwe, mogolo wa gago o ka no se lefelwe gomme GEMS e ka se kgone go kgoboketša ditšhelete tša gago tša tefelo ya sekimo tša kalafo. Se se ka hlola gore mehola ya gago e emišwe le go ganwa ga dikleimi tšeo o di dirago go lefela ditshenyagelo tša kalafo ya gago.
Ge kontraka ya gago e mpshafaditšwe, o swanetše go hwetša tiišetšo go tšwa go ba HR mošomong wa gago go go botša gore dintlha tša mongmošomo wa gago di tsentšwe ka boswa tshepetšong ya bao ba amogelago mogolo gore boleloko bja gago go GEMS bo tšwele pele ntle le go tshwenywa.
Go tšea magato a ka nako ya maleba go bohlokwa kudu gomme o swanetše go bolela le mošomi wa GEMS ge o na le mathata afe goba afe.
Letša nakana ge o bona Boradia
Ge o gononela tiro ya boradia bofe goba bofe, ikgokaganye le GEMS mogaleng wa go bega bosenyi, woo o laolwago ke KPMG. O se tšhabe go bega mogaleng wo wa bosenyi ditiro dife goba dife tšeo di sego tša loka, ka ge ele tirelo yeo e ikemego ebile e sa tsebjego. Mogala wo wa go bega ditiro tša bosenyi wa mahala o bulwa diiri tše 24 ka letšatši, matšatši a šupa ka beke. Dira go loka!
Latela magato a ka mo tlase go bega boradia:
Kgotla 0800 21 2202 (ke mahala).
O ka no se itsebiše gore o mang. Efa moamogedi wa pego mogaleng dintlha ka botlalo ka ga tiragalo yeo o e begago. Dintlha tšeo di ka akaretša tše: ke mang, eng, bjang, kae, neng le tšhelete yeo e amegago.
O tla fiwa nomoro ya referense go laetša gore o begile molato woo. O e boloke ka ge go ka nyakega gore o e diriše ka moso.
Tirelo ya bagwera ba GEMS, yeo e go kgontšhago go hwetša moabi wa tlhokomelo ya maphelo ya tefelo ya tlase moo o dulago gona ka go romela SMS, e kaonafaditšwe! Ge ele gore ga go moabi moo o dulago gona, tirelo ye e tla go fa wa lefelong la kgauswi le wena. Dira kgopelo gomme rena re tla go nyakela.
Romela fela SMS go 33489 o latela mokgwa wo: nomoro ya gago ya boleloko tlhathollo ya moabi wa tlhokomelo ya maphelo yo o mo nyakago, moo o dulago goba toropo ya gago.
Tšhalelomorago ya ditefelo tša dikgwedi tše tharo: Lefelo la kotsi ya mehola
GEMS e kgoboketša ditšhelete tša tefelo ya sekimo sa tša kalafo kgwedi le kgwedi ka go tšea tšhelete go tšwa megolong ya maloko, se se dirwa ka lenaneo la mongmošomo la go lefela bašomi megolo ya bona (gantši go dirišwa Persal).
Ge ditefo tša gago tša kgwedi le kgwedi di sa dirwe (ele gore o šaletše morago, gomme o na le sekoloto), GEMS gape e ka kgoboketša ditšhelete tšeo o di kolotago ka go tšea tšhelete mogolong wa gago ka elektoniki. Ditšhelete tšeo di tšewago mogolong di itšwela ntle le gore o dire selo. Le ge gole bjalo, ge
Mohlala:Ge ele gore o nyaka ngaka ya malwetši ka kakaretšo go la Hillcrest, Pretoria gona kgopelo ya gago e tla lebelelega ka tsela ye.
O tla amogela phetolo ka bjako, e go fa dintlha ka ga baabi ba tlhokomelo ya maphelo lefelong la gago.
Founela Senthara ya go amogela Megala ya GEMS go 0860 00 4367 goba etela weposaeteng go hwetša tshedimošo ka botlalo.
SMS ye nngwe le ye nngwe e tla lefelwa R1.50.
ditšhelete tšeo o swanetšego go di lefa di ka se lefelwe nako ya dikgwedi tša go feta tše tharo, re ka se hlwe re kgona go di ntšha mogolong wa gago ka elektroniki, ka gore tshepetšo ya khomphutha ya go lefa megolo ga e dumelele seo go direga.
Seo o swanetšego go se dira ge o na le tšhelete yeo o e kolotago GEMS ya dikgwedi tša go feta tše tharo: Kgopela ba HR mošomong wa gago go rulaganya gore tšhelete e ntšhwe twhii ka letsogo go tšwa mogolong wa gago ntle le go diriša elektroniki gomme go lefelwe sekoloto sa gago. Gape o ka founela senthara ya go amogela megala ya GEMS go 0860 00 4367 gomme o kgopele lengwalo la 0189,leo o ka le išago go ba HR mošomong wa gago. Lengwalo la 0189 le tla fa tlhalošo ya seo se swanetšego go dirwa.
GOPOLA: Ge ditšhelete tšeo o swanetšgo go di lefela di sa lefelwa ka moka ga tšona, seo se ka hlola gore mehola ya gago e emišwe gomme se se ka dira gore dikleimi tša gago di ganwe.
Moabi wa Taolo ya Malwetši a HIV wa GEMS, thušo ya AIDS, e fa thekgo ya mogaleng le khanseling go maloko ka moka a GEMS. Ge wena goba wa lapa la gago a hloka dikeletšo goba thušo, o kgopelwa gore o ikgokaganye le ba Thušo ya AIDS go 0860 100 646. Batho ba rena bao ba Khanselago ba hlahlilwe gomme ba gona go go thuša gomme mogala wa gago o tla dirwa sephiri.
Ka kgopelo hle, tseba gore Sekimo se dira mešongwana ya go fapafapana nako le nako go kaonafatša bohlokwa bja sona go baamogedi ba ditirelo (bajalefa) ba sona.
Ga bjale re dira protšeke ya phaelote le molokoloko wa kgokagano ya dingaka tša ditsebi go la KwaZulu-Natal. Maikemišetšo a se ke go tšweletša ditharollo tša go boloka tšhelete go šomana le tefelo ya tšhelete ye ntši ya ge motho a robaditšwe sepetlele ka tirišo ya tefelo ya dingaka ge ba abile ditirelo tšeo di amogelegago tša kalafo.
Ge o ka etela yo mongwe le yo mongwe wa ditsebi tšeo di tšeago karolo protšekeng ye ya phaelote, ba tla go botša ka ga go kgathatema ga bona pele ga ge ba go hlahloba goba ba hlahloba bao ba lego ka tlase ga tlhokomelo ya gago.
Ge o amogelwa sepetleleng sa Medi-Clinic, o kgopelwa gore o botšiše Sekimo ge eba o na le mehola yeo e kgotsofatšago go lefela ditshenyagelo. Medi-Clinic e boletše gore e ka kgopela maloko a GEMS gore a lefele pele.
Kopano Kakaretšo ya Ngwaga le ngwaga ya GEMS ya boraro (3rd) e tlo ba gona ka Labobedi 30 June go la Nelspruit.
Ikgokaganye le rena
Mogala 0860 00 4367
